Firefoxi buruz
Zergatik Firefox telefono mugikorretarako?
Firefox telefono mugikorretara eramanez, Mozillaren misioa betetzeko hurrengo urratsa eman da: edozeinek atzi dezakeen weba sortzen laguntzea, gailua edo kokapena edozein dela ere. Firefox, eskuragarri dagoen nabigatzailerik aurreratuena, azkarra, segurua eta pertsonalizagarria da eta ezin hobe sinkronizatzen da zure mahaigaineko Firefoxekin.
Kosturik al dauka?
Ez. Firefox irabazi asmorik gabeko Mozilla Fundazioak sortu zuen Interneten irekitasuna, berrikuntza eta aukera eskaintzeko duen konpromisoaren osagai gisa. Gehiago.
Zein desberdintasun dago orain daukadan nabigatzaile mugikorraren eta Firefoxen artean?
Sortu den nabigatzaile-motor modernoenetako baten gainean eraikita, Firefox osorik dator bere ezaugarri guztiekin, esaterako bere "Barra Txundigarria", pasahitzen kudeatzailea, klik bakarreko laster-marken sorrera, kokapena ezagutzen duen nabigatzailea, eta beste ezaugarri asko. Era berean, Firefox gehigarriak eskaintzen dituen lehen web nabigatzaile mugikorra da: erabiltzaileek nahierara pertsonalizatu ahal dute nabigatzailea.
Segurtasuna
Nola izango da Firefox segurua mugikorretik nabigatzen ari naizenean?
Mozillak segurtasun- eta pribatutasun-mailarik gorenei eusten die. Firefoxek webguneen berehalako IDa bezalako ezaugarriak ditu gune susmagarriak berehala aztertzeko eta beren nortasuna benetakoa dela egiaztatzeko, bai eta pasahitzak, cookie-ak, irudien karga eta gehigarrien instalazioa kudeatzeko segurtasun-ezarpen pertsonalizagarriak ere, zure nabigatze-esperientzia erabat kontrolatzeko. Gehiago.
Deskarga & gailuak
Nola deskarga dezaket Firefox nire mugikorrera?
Joan Mozilla.com-eko Mobile webgunera eta bidali testuko mezu bat Firefox zure mugikorrera deskargatzeko. Edo bestela, joan mozilla.com/m webgunera zure egungo nabigatzaile mugikorrarekin eta deskargatu Firefox zuzenean zure mugikorrean.
Funtzionatuko al du Firefoxek nire telefono mugikorrarekin?
Egun, Firefox bateragarria da Nokia N810 eta N900 gailu mugikorrekin eta Windows Mobile 6.0 edo goragokoa daukaten telefonoekin. Ikus onartutako gailuen zerrenda osoa.
Deskarga al dezaket Firefox nire mugikorrera, nahiz eta onartutako gailua ez izan?
Firefox probatu nahi baduzu, onartutako gailu batean egin dezazun aholkatzen dizugu, bere funtzionaltasun guztiak erabil ahal ditzazun.
Firefoxen erabilera
Nola erabili behar dut Firefoxen erabiltzaile-interfazea webean nabigatzeko?
Firefoxen kontrolak pantailaren alboetan ezkutatuta daude. Haiek ikusteko, atzamarrarekin mugitu behar duzu pantaila eskuinera edo ezkerrera. Zure fitxak pantailaren ezkerraldean daude; laster-markak eta ezarpenak eskuinaldean. Helbide-barra ere desagertu egiten da webgunea beherantz korritzen duzunean, baina berehala agertzen da gorantz edo albo baterantz mugitzen zarenean.
Nola hurbildu eta urrundu dezaket pantaila?
Hurbiltzeko, eman kolpetxoa atzamarrarekin bi aldiz. Urruntzeko, berriro eman kolpetxoa bi aldiz.
Nola egin dezaket weborri baten laster-marka?
Joan laster-marka egin nahi duzun gunera. Ukitu pantailaren eskuinaldean agertzen den laster-marketarako "izarra".
Nola ireki dezaket fitxa berria?
Ukitu pantailaren ezkerrean dagoen "plus" botoia fitxa berria irekitzeko. Fitxak miniatura modura ageri dira, zein orri hautatu nahi duzun errazago ikus dezazun.
Ezaugarriak
Zer da hain berezia Barra Txundigarrian?
Barra Txundigarria zuk nahi duzun lekura eramango zaitu berehala. Ukitu Barra Txundigarria eta hasi tekleatzen. Tekleatzen duzun heinean, sarritan edo berriki bisitatu dituzun edo laster-marka bidez markatu dituzun webguneak erakutsiko dira. Barra Txundigarriak ikasi egiten du hura erabiltzen duzun heinean, zure gogokoenetara moldatuz eta zure nabigatzea pertsonalago bihurtuz. Barra Txundigarrian sakatuz URL bat edo bilaketa-hitz bat sar dezakezu eta weba arakatzeari ekin diezaiokezu.
Zer dira Firefoxen gehigarriak eta nola eskura ditzaket nire gailu mugikorrean sartzeko?
Gehigarriek zure Firefoxa pertsonalizatzeko balioko dizute ezaugarri berriak erantsiz. Hautatu zure pantailaren behean eskuinaldean ageri den "engranaje" botoia, ondoren hautatu gehigarrien "puzzle" botoia eta bilatu eta instalatu zuretzat erabilgarrienak izango diren gehigarriak zuzenean zure mugikorretik.
Nola parteka ditzaket Firefoxen laster-markak, historia, fitxak eta gehiago nire PCaren eta nire mugikorraren artean?
Weave Sync gehigarriak zure Firefox esperientzia zure mugikorrera eramango du. Hasteko, sortu Weave Sync kontu bat zure PCan. Ondoren, joan zure mugikorreko Firefoxera eta bilatu eta instalatu Weave Sync gehigarria. Zure Weave Sync kontuaren informazioa sartu ondoren sinkronizazioa burutzen baduzu, zure Firefoxeko hobespenak, historia eta gainerako informazioa PCan eta mugikorrean partekatua geratuko da.
Weave Sync gehigarria behar al dut Firefox nire telefonoan erabiltzeko?
Ez. Firefoxeko informazioa zure PCaren eta mugikorraren artean sinkronizatzea oso erabilgarria dela uste badugu ere, Weave Sync hautazko zerbitzua da, eta nahi baduzu erabil dezakezu. Konfiantzazkoa duzun eta espero duzun betiko Firefoxaz goza dezakezu Weave Sync gabe. Weave Sync-ek zure historia, laster-markak, hobespenak eta askoz gehiago partekatzen laguntzen dizu, zure nabigatze-esperientzia hobetuz zuk nahi duzun lekutik.
Zer da kokapenaren araberako nabigazioa? Firefox non nagoen jarraitzen ari da?
Kokapenaren araberako nabigazioak denbora aurrezteko balio dizu, webguneei non zauden esanez. Zure kokapena webgune bati jakinaraztea erabakitzen baduzu, hurbil dauzkazun puntu interesgarriak aurki ditzake eta informazio erabilgarria itzuli, esaterako kokatuta zauden lekuko mapak. Hautazkoa da - Firefoxek ez du zure kokapena inorekin partekatuko zure baimenik gabe.
Zein zehaztasun dauka kokapenak?
Zehaztasuna asko aldatzen da toki batetik bestera. Zenbait tokitan, gure zerbitzu-hornitzaileek metroetako zehaztasuna duen kokapena eskain dezakete. Hala ere, beste toki batzuetan hori baino askoz handiagoa izan daiteke. Zure zerbitzu-hornitzaileek itzultzen dituzten kokapen guztiak estimazioak dira eta ezin dugu bermatu emandako kokapenen zehaztasuna.
Nola har dezaket parte?
Zure ekarpenek Firefoxen arrakasta dakarte. Begiratu gure Garatu Mobile-rako orria Mozillaren Mobile proiektuan laguntzeko zer egin dezakezun jakiteko. Mobile-rekin erlazionatutako beste ekimen batzuetan parte hartu nahi baduzu, jo Parte hartu orrira.